– सुविद गुरागाई
फाल्नुपर्ने केही शब्द बाँकी छन्
शब्दकोशमा
अर्थको खोजीमा शब्दहरू
पिल्सिइरहेका छन्
मनभित्र ।
अराजनीतिक
अपवित्र
अनैतिक
भ्रष्टाचार
कुसंस्कार व्याप्त छ मान्छे
फोहोर समय छ ।
‘सयमा दस पाँच धनी गनिनु
अरूले तिनको करिया बनिनु
विधिको यदि यै छ विधान भने
अब त्यो विधिको पनि आयु पुग्यो ।’
महत्वपूर्ण थियो कविको आग्रह
अफसोच !
कविता सङ्ग्रहका पानाहरू
च्यातिएछन् जिरा–मरिच पोको पार्न
सडकमा फालिएको भेटें ।
जो फालिनुपथ्र्यो, ती यथावत् छन्
छिः !
किन बाँकी छन् ती शब्दहरू
शब्दकोशमा ?
०००
No comments:
Post a Comment